جنین کیمپ پر اسرائیلی یلغار، ایک فلسطینی نوجوان شہید

جنین (مغربی کنارہ) – قابض اسرائیلی فوج نے جنین پناہ گزین کیمپ پر وحشیانہ حملہ کیا جس میں 34 سالہ فلسطینی نوجوان نور الدین کمال حسن فیاض شہید ہو گئے۔

فلسطینی وزارت صحت نے تصدیق کی ہے کہ اسرائیلی فوجیوں نے کیمپ میں اندھا دھند فائرنگ کر کے نوجوان کو شہید کر دیا۔

فلسطینی ہلال احمر کے مطابق زخمی نوجوان کا جسدِ خاکی ریڈ کریسنٹ کے عملے نے تحویل میں لے لیا۔

یہ حملہ جنین شہر اور اس کے کیمپ پر اسرائیلی فوج کی مسلسل جارحیت کا حصہ ہے۔ 2026ء کے آغاز سے اب تک مغربی کنارے میں 64 فلسطینی شہید ہو چکے ہیں۔ مارچ کا مہینہ سب سے زیادہ خونریز ثابت ہوا جس میں 30 شہداء ہوئے۔

یہ بھی پڑھیں : صیہونی حملوں میں 7 فلسطینی شہید، 50 زخمی

اسرائیلی فوج مغربی کنارے میں فلسطینیوں کے خلاف چن چن کر ٹارگٹ کلنگ، گھروں کی مسماری اور حملوں کا سلسلہ جاری رکھے ہوئے ہے۔